Sunday, May 08, 2005

Dominante Ang Spurs

San Antonio, Texas -- Gilubong sa San Antonio Spurs ang Seattle Supersonics, 103-81, sa unang duwa sa ilang best of seven series sa semifinals sa Western Conference sa NBA.

Si Tony Parker ang nangu sa kadaogan sa Spurs uban ang 29 puntos.

Dugang Detalye: Allen, Radmanovic napiang

Mandaue Nagpasalamat Sa ABS-CBN

Jagobiao, Mandaue City, Cebu -- Mandaue City government nagpasalamat sa DYAB Abante Bisaya ug ABS-CBN Cebu tungod sa pagsuporta sa Mantawi Festival.

Matod ni Mandaue City Councilor Carlo Fortuna dako kaayo ang natabang sa media sa kalamposan sa ikatulong Mantawi Festival nga gitambongan ni Presidente Gloria Macapagal-Arroyo.

Pulso sa DYAB Abante Bisaya ug TV Patrol Central Visayas

Nilampos bang mga vigilantes pagbadlong sa mga kriminal sa Sugbo?
I-text ang imong tubag sa DYAB REACT (opinion) ug ipada sa 2366.

Oposisyon: Di Mi Coup Plotters

D. Jakosalem, Cebu City -- Kusganong gipanghimakak sa mga lider sa oposisyon nga nagplano sila pagtumba sa gobyerno ni Presidente Gloria Macapagal-Arroyo.

Atol sa Kapamilya Media Forum sa DYAB Abante Bisaya ug SkyCable, giklaro ni House Minority Floorleader Francis Escudero nga di sila mahitabong mosuporta og kudeta.

Gawas ni Escudero, nitambong sa media forum silang San Juan Mayor JV Ejercito ug mga Kongresista Darlene Antonino-Custodio (General Santos) ug Justin Chipeco (Laguna).

600 Nang HOTS sa DYAB Job Fair

Dul-an na sa 600 ang nakatrabaho sa mga aplikante sa local ug international job fair sa DYAB Abante Bisaya ug ABS-CBN Cebu.

Matod ni Fidel Magno, labor employment officer sa Cebu City, mao na kadto ang labing malampusong job fair sa tibuok nasud sukad masukad.

Mas daghan pa gyod unta ang makatrabaho kay daghang aplikante ang gipaubos na lang og final testing ug interviews.

Citom: Mea Culpa

Cebu City -- Mga molupyo palibot sa Redemptorist Church kusganong nisaway sa Citom sa pag-usab sa ruta sa mga sakyanan sa way pagpahibawo sa publiko ug mga motorista.

Apil sa nireklamo maong mga molupyo sa Juana Osmena kinsa kinahanglan nang mogawas sa Gen. Maxilom Ave. aron lang makasimba sa Redemptorist Church nga pila ra unta ka metro gikan sa ilang dan.

Nangayo og pasaylo si Citom Executive Officer Arnel Tancingco sa kapakyas pagpahibawo sa publiko sa duha ka semana nga ekspertimento nga rerouting.

Vigilantes Sa Naga, Cebu

Inoburan, Naga, Cebu -- Laing biktima sa gidudahang vigilantes sa Sugbo ang nihagba sa Inoburan, Naga, Cebu dayong tungang gabii kagabii.

Ang Naga Police Station padayong nangita sa duha ka suspitsado nga nagtabon og malong sa ilang mga nawong, nipusil sa biktima ginamit ang .45 kalibre nga pistola ug nisibat sakay sa motorsiklo.

Ang biktima gihulagway sa mga silingan nga nahilambigit sa daghang mga krimen, apil nang pagpanulis.